Carnaval a caba

  

Diadomingo 26 di februari  yega su final. Un carnaval h0pi bunita y luhoso. E  musica dushi  di carnaval no a   falta.  Lamentabel ta e un sin fin di bringamento y incidentenan  tuma lugar durante y despues di carnaval. E consumo abusivo di alcohol ta e cauante principal di tur esaki. Hopi jammer. 

Tremendo discurso di Prome Minister Mike Eman

Minister President di pais Aruba Mike Eman
Minister President Mike Eman

Un Minister President Mike Eman sumamente emociona a hiba palabra diamars merdia  den sala di reunion di parlamento di Aruba na momento u a trata e ley pa e re-apertura di e refineria. E mandatario a repasa tur e caminda largo cu a cana pa awe por ta asine leu cu e rafinaderia ta apunto di habri.  e la cuminsa for di promer cu partido AVP a bai eleccion na aña  2009.  djei tur e negosacionnan cu tanto  compania Valero, como e potencial compradornan di e refineria.  Hopi tabata e desapuntonan pero e determinacion  pa realisa e apertura di e refineria.

Minister President Eman a elogia  cada in miembro di e  team negociador  encabesa pa amiga y colega Minister Mike de Meza  y sr Richard Arends.

Minister Otmar Oduber y Minister Mike de Meza
Minister Otmar Oduber y Minister MIke de Meza

In rato prome  Minister Otmar Oduber a   hiba palabra caminda ela  felicita henter e pueblo di Aruba pa e hecho cu awe Aruba ta doño di su rafinaderia.  E mandatario a reconoce cu no semper tabata facil  durante e henter trayecto tras di lomba.  E la adimiti cu e ta in fiel creyente cu San Nicolas  merece  un hotel, y lo sigui bringa pa esaki. Despues di a papia di e “clashnan” cu e tabatin cu su colega minister Mike de Meza, nan dos a brasa otro como muestra di grandesa di ambos mandatario.

 

Henny Eman cu discurso recordando Mito Croes

DSC_1388

Nos a perde un hende hopi grandi. Nos a perde un amigo, un persona cu tabata asina serca di nos tur pa casi 35 aña.
Cu e palabranan aki Sr. Henny Eman   ex-lider di partido AVP y ex-promer minister di pais Aruba a cuminsa su discurso dialuna anochi den cas di partido AVP na playa dialuna anochi durante un encuentro special pa recorda e palanca di partido AVP Mito Croes kende a fayece diadomingo pasa.
Henny cu tabata cu Mito for ci comienso di su entrada den politica a elabora  riba esaki.
“Mito tabata un scientifico profesor di universidad cu tabatin un carera su dilanti di husticia y di universidad, uno hopi leu di politica, e tabata un homber calmo cu no a kere nunca cu e lo mester a drenta den politica”.  e la tuma Henny hopi tempo pa convence Mito pa a drenta politica. E la elabora riba e “Protocol di Mito” den cual protocol tur pais den reino a acorda cu lo sostene e posicion di Aruba pa status aparte  den conferencia di mesa rondo di 1983.
Un discurso hopi interesante y na su lugar pa recorda e gran persona cu Mito Croes tabata. Cu Mito Sosega na pas.

Te ki dia???

E accion di un persona cu a cuminsa como un protesta, a para bira un pesadiya pa henter pueblo. A cuminsa fliet riba monumentonan historico di Aruba. Richard Danies a cuminsa fliet e nomber di e “supuesto” pedofiel cu lo mester a viola su jiu muhernan. Despues cu e no a haya oido. E la cuminsa fliet Aruba Pro Pedofiel riba murayanan den cayanan di Oranjestad. Autoridadnan di husticia a detene e “supuesto” pedofiel y tur hende a kere cu Danies a logra su mission. A detene Danies y su simpatisantenan a cuminsa fliet ‘pro danies’ tur caminda. Hasta nomber di ministernan a wordo gefliet riba murayanan. Awor e trend a sigui pa “hendenan”  saca nan frustracion y cuminsa fliet tur caminda. Awor a fliet e vuurtoren na california  cu recien e wordo restaura. Pica. Diabierna mainta nan a fliet e cabay blauw dilanti di ministerio publico cu e mesun  teksto cu a usa riba vuurtoren. Awor e pregunta ta na Autoridadnan di husticia, kico mas mester pasa pa frena e  “trend” aki?

Porfin e ley pa prohibi saconan di plastic a wordo trata den parlamento

Plastic-Bag-Ban_220

Diamars merdia porfin presidente di parlamento a yama un reunion di parlamento pa trata e ley cu lo mester prohibi e uso di saconan di plastic.  sr. Donny Rasmijn  di AVP ta e persona cu a bin cu e iniciativa di e ley aki. por a tuma nota di presencia di minister di Husticia Arthur Dowers den sala sinta banda di sr. Rasmijn, cu a trece dilanti den su discurso cortico  di ta contento cu e ley aki ta bai drenta na vigor   mirando cu esaki ta e prome paso den direccion den proteccion di nos medio ambiente.  Sr. Xiomara Ruiz Maduro a haci uso di e oportunidad  pa cuestiona cu gabinete Mike Eman a “saca e plug”di e planta  di fluf na parkietenbos.  Contento cu nos parlamento a demostra cu nan por ta riba e mesun liña sin tin cu haci politikeria.